Mih ki thei bad rang ïalehkai phutbol ka EJH sha ka Meghalaya Games
Mih ki thei bad rang ïalehkai phutbol ka EJH sha ka Meghalaya Games ban long ha Tura
Khliehriat, K’Lyngkot 09: Ki thei ïalehkai phutbol jong ka East Jaiñtia District mynta ka sngi ba ar kila mih ban leit ïashim bynta sha Meghalaya Games 2024 kaba long ha Nongbah Tura ka ban sdang naduh 11 tarik haduh 20 tarik u Kyllalyngkot, 2024.
Ïa kane ka kynhun (Team) la ïalam da ka samla Filicia Sympli kum i Coach, kaba dei ruh ka player ba pawkhmat jong ka East Jaiñtia District bad u Rumi Lyngdoh kum u Manager.
Na ka liang ka EJHDFA ka ai ka jingkitbok kitrwiang ïa baroh ar tylli ki kynhun ïalehkai phutbol (Boys & Girls) jong ka District ba kin ïalehkai bha bad ban wanrah burom ïa ka East Jaiñtia Hills District hi baroh kawei.
Kum ban shu pynkynmaw ba ki rang ïalehkai kiba leit mih naduh mynnin ka sngi. Kane ka long katkum ka kyrwoh khubor ba phah da u Hony General Secretary ka EJHDFA ma Coming Tlang.