Jowai, Nailur, 27: Ka NSS Jowai Polytechnic shi bynta na ki mat treikam kumno ban sngewthuh bad don ka jingkitkhlieh haka imlang sahlang bad ka sap ïalam ha ki shnong ki thaw khamtam ha ki kam ba bha kala pynlong ïa ka Program ‘Swachhta Hi seva’ da kaba pynkhuid ïa ki sawdong sawkun ka Institute Campus haka 26 tarik bad kumjuh ruh mynta ka sngi 27 September kala pynlong ïa ka jingpynkhuid ïa ki lynti ki syngkien ba la dap sa tah da ki plastic bad ki ñiut naduh na khmat Iew Shyiap ter ter haduh ha Parking lot Sieñ Raij Jowai (Iawmusiang) kaba la sdnag naduh ka por 7 baje mynstep.
Ïa kane ka Program la ïashim bynta lang da baroh ki khynnah ba pule ka Institute hapoh ka jingïalam Programme Officer u Nesserdemy Sangma, Co – Incharge u Emdormi Shullai bad u Cubert Neil Kitbok Myrthong.
Kane ka program ka dei ba la sdang bad khmih da ka Ministry of Youth Affairs & Sports ban pynkhuid ïa ki sawdong sawkun ki jaka bad ban pynsngewthuh ïa ki nongshong shnong ha kaba ïa dei kumno ban leh khuid bad ban sumar ia ka mei mariang bad la leh ïa ka naduh ka 15th September haduh ka 2nd October, 2023 ha shi tyllup ka Ri.
Na ka liang ka NSS Jowai Polytechnic Unit ka kyntu ruh ïa baroh ki nongshong shnong ki nongshong ïew bad ki nongleit thied leit pet ruh ban sngewbha ban sumar sukher ïa la ki shnong ki thaw bad kumjuh ruh ki ïew ki hat khnang wanrah ka jingitynnad bad kumjuh khnang ba kine ki ñuit ki jakhklia kin ym leit ne kai sha ki wah khamtam haki por slap ban lait na ka ban pynjakhlia ïa ki um ki wah kiba bsa um bam um dih khamtam ïa ki nongshong shong ba sah ha sawdong ka Jowai bad kiwei pat ki shnong ki thaw ba marjan.
