Shillong, Rymphang, 18: Ki rangialehkai ka kynhun phutbol jong ka jylla Meghalaya ha ka sngi U Blei ki la mih na la ïing ban leit aireng sha ka lympung ïalehkai phutbol jong ka 77th Santosh Trophy ka ban long ha nongbah Itanagar, Arunachal Pradesh.
Shuwa ba ka kynhun kan sdang ïa ka lynti ban leit aireng ha katei ka lympung, ha ka Sngi Saitjaiñ jong ka taïew ba ladep la ïoh ban pynlong ïa ka jingïalang kitbok kitrwiang ha ka jingïadonlang u Secretary ka Meghalaya Football Association-u Bah Sunesh Syiem, ki dkhot jong ka Senior Cell, u Coah lem bad ki rang ïalehkai.
Ha kane ka kynti, kin don haduh 12 tylli ki kynhun ïalehkai na ki jylla ki ban ïaknieh ïa ka burom kum jong ka 77th Santosh Trophy, ha kaba ka kynhun Meghalaya ka shah pynngatlang ha thup jong ka Group-A, bad ki kynhun ki kynthup ïa ka Arunachal Pradesh, Goa, Assam, Services, bad ka Kerala.
Ka Meghalaya kan sdang ïa ka lynti ïaid pyrshah ïa ka Services ha ka 21 tarik, Rymphang, bud sa ka jingïakhun pyrshah ïa ka Assam ha ka 23 tarik Rymphang, nangta ïa ka Kerela kan long ha ka 25 tarik Rympahng, ha ka 28 tarik Rymphang ka jylla kan aireng pyrshah ïa ka Goa bad khadduh ïa ka Arunachal Pradesh ha ka 1 tarik Lber, 2024.
Kum ban shu pynkynmaw, ka jylla ka la ïoh ban rung shaduh ka final jong ka Santosh Trophy kaba la long ha u snem 2023.
Na ka liang jong u Bah Sunesh u pynpaw ba 80 na ka 100 ki rangïalekai ki dei kiba la don bynta bad ka kynhun kaba la rung shaduh ka phainal jong kane ka lympung ïalehkai ha u snem ba ladep, nalor kata, la pynrung shuh shuh sa katto katne ki samla ïalehkai ba thymmai ha kane ka kynhun.
Ka thup kyrteng jong ka kynhun Meghalaya kiba la shah jied ki long:
Rangapkol (Goal Keeper): Siwel Rymbai, Daraphun Talang, Lionel Daryl Rymmei
Bak (Defender): Wanboklang Lyngkhoi, Donborlang Nongkynrih, Banskhemlang Mawlong, Brolington Warlarpih, Over Kindness L. Mawnai, Dawan Plielad Myrchiang, Lukas Syngkli kiba dei ki Defender.
Rangïalehkai pdeng (Midfielder):Baby Sunday Marngar, Kitboklang Pale, Nekilson Bina, Damonlang Pathaw, Dameki Khongstia, Dawanchaw Carlos Challam, Robert Khongjoh, Baiaikara Swer.
Rangïalehkai khmat (Forward): Sheen Stevenson Sohktung, Nelson Rymbai, Shaiborlang Kharpan, Chesterpaul Lyngdoh kum ki.
Coach: Khlaiñpyrkhat Syiemlieh – Head Coach, u Playerson Syiemlieh-Asst. Coach, Physiotherapist: Freddy Kharpran Mananger, Lucky Mary Marbaniang.
