Nongpoh, Rymphang 24: Hadien ka jingrem noh ka kong Macdalyne S Mawlong kyrtong ka NPP na Umsning Constituency, kaba dei ka MDC kynthei marwei na Ri-Bhoi District, ka kong Rona Khymdeit kala mih bujli pat kum ka kynthei MDC ba marwei na Ri-Bhoi District hadien ba kala pynliem noh ïa u sitting MDC ka UDP u Bah Balajied Ranee na Nongpoh Constituency.
Kumba long mynta 4 ngut ki MDC ha Ri-Bhoi ki dei ki shynrang ba kynthup ïa u Bah Isynei Hing na Umroi Constituency, u Bah Kynjohlang Rangtong na Mawhati Constituency, u Bah Banrikus Nongsteng na Umsning Constituency bad u Bah Sosthenes Sohtun na Jirang Constituency katba ka kong Rona Khymdeit ka dei ka MDC kynthei ba marwei ha Ri-Bhoi District ka ban mihkhmat na Nongpoh Constituency.
Lah ruh ban kdew hangne ba ka Kong Rona Khymdeit ka dei ruh ka MDC barim kaba la mihkhmat teng ïaka Nongpoh Constituency, naka party UDP ha u snem 2014 hadien ba ka shah pynliem noh ha u Bah Balajied Ranee ha u snem 2019.
