Mar saw kol jop ka Sabahmuswang bad Dulong, ka PSA, Loompyrdi Iongpiah bad Khimusniang mar ar kol

Jowai, K’Lyngkot 10: Ka lympung ïalehkai phutbol kaba la tip kum ka Republic Day Cup, Under-13 Football Tournament 2024 bala pynïaid da ka West Jaiñtia District Sports Association, (WJDSA) Jowai mynta ka sngi ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong ka Sabahmuswang kala pynliem da 4-1 kol ïa ka Chutwakhu, ïa ki kol na ka Sabahmuswang la thep da u Deiwaemitre Shylla haka minit ba 10, 18 & 20 bad u Syiem Kyndait haka minit ba 17. Na ka liang ka Chutwakhu la thep da u Nelson Krem haka minit ba 7.
Katba ka Dulong kala pynliem da 4-0 kol ïa ka Mynthong, ïa ki kol na ka Dulong la thep da u Man I Khan Kyndiah haka minit ba 30, u Fayian Tariang haka minit ba 32, u Arkini Bamon haka minit ba 51 bad u Ha u ni o Syiemlieh haka minit ba 53.
Ha ka jingïakhun kaba ar ka PSA kala lah ban pynliem da 2-1 kol ïa ka Sailung Ialong, ïa ki kol na ka PSA la thep da u Wanlam Pyrtuh haka minit ba 18 bad u Elezer Bareh haka minit ba 35, na ka Sailung Ialong la thep da u Iobiang Rymbai haka minit ba 16. Katba ka kynhun jong ka Loompyrdi Ïongpiah kala lah ban pynliem da 2-1 kol ïaka Demthring, ïa ki kol na ka Loompyrdi Ïongpiah la thep da u Dayoohimi Laloo haka minit ba 22 bad u Saiwotibor Suwer haka minit ba 59. Na ka liang ka Demthring ïaka shikol la thep da u Arwankimi Suting haka minit ba 31.
Ha ka jingïakhun kaba lai ka Khimusniang kala pynliem da 2-0 kol ïaka Chilliangraij, ïa ki kol na ka Khimusniang la thep da u Arwa oo Siangshai haka minit ba 33 bad u Ruddy song Sutnga ha ka minit ba 42. Katba ka kynhun jong ka Iawmulong Nartiang kala pynliem da 3-0 kol ïa ka Lumkyrwiang, ïa ki kol na ka Iawmulong Nartiang la thep da u Mewanhi Maskut haka minit ba 7 bad u Dini Raliang haka minit ba 52 & 55.
La pyntip ba ka jingïalehkai ka bteng lashai ka sngi 11 tarik naduh ka por 9 bajer mynstep ha kaba yn pynïakhuh haduh 6 tylli ki match.