Mairang, Naiwieng 27: U District Magistrate jong ka Eastern West Khasi Hills District, u Bah G. Kharmawphlang, u la pynjari da ka Section 144 Cr. PC ha Eastern West Khasi Hills District ban khanglad ïa ka jingpom pathar ïa ki dieng ki siej na ka bynta ban thang rnga.
Ha ka hukum ba la pynmih mynta ka sngi, u District Magistrate, u la ong ba ka jingpomdieng ban thang rnga ka ktah shibun ïa ki khlaw ki btap bad ka ktah ruh ïa ka jinglong ka mei mariang. Kane ka jingpomdieng bad thang rnga ym tang ba ka ktah ïa ki khlaw bad ïa ka mariang, hynrei ka ktah ruh ïa ki briew ha ka liang ka koit ka khiah namar ka pynkha ïa kiba bun ki jait jingpang.
Da kaba pynjari ïa kane ka kyndon, u Magistrate u la khang pyrshah ïa ka jingpomdieng ban thang rnga bad la pynjari ruh ban khaïi bad shalan rnga ha baroh kawei ka Eastern West Khasi Hills. U la ong ruh ba kino kino kiba pynkheiñ ïa kane ka hukum, kin ngat ha ka jingpynshitom jong ka aiñ.
