Khliehriat Naiwieng 2: Ka Dorbar Shnong Khliehriat West ka buh ka jingmana ban ïaid ki trok kit jingkit na ki lynti khap shnong, ki bor shnong ki la kren da kaba tyngeh ba ym bit ban ïaid ki trok ba kit jingkit ha ki lynti shnong bad maham ruh ba lada lap ïa kino kino ki trok kit kiba ïaid na ki lynti khap shnong, ka Dorbar Shnong kan pynshitom da kaba tyngeh ki jingpynshitom kiba katkum ki kyndon bad ki aiñ synshar shnong.
Ki bor pynïaid shnong, ki ong ba kim banse ban khanglad ïa ki trok kit ba kit jingkit kiba ïaid na ki lynti shnong, namar kane ka buh jingma ïa ka shnong ka thaw, na kata ka daw ki hap ban buh da ki jing mana khnang ban tehlakam ïa ka jingrung ki trok kiba kit jingkit kiba ju ïaid na ki lynti khap shnong jong ka shnong Khliehriat West.
