Maham ki bor Distrik ka EKHs ban ym pat shah ïaid na ka surok Shillong – Pynursla – Dawki

Shillong, Jylliew 11 : Na ka bynta ka jingshngain jong ki paidbah bad ban lait na kino kino ki jingjïa ba sniew ha surok Shillong—Dawki, ka ophis treikam jong u Deputy Commissioner ka East Khasi Hills ba dei ruh u Chairperson jong ka DDMA la kyntu ïa baroh ki nongjngohkai pyrthei bad ki nongleit nongwan kiba thmu ban leit sha Dawki ba kin kiar ban ïaid na ka surok Shillong—Pynursla—Dawki haduh ban da pynbna paidbah da kumwei pat.
Katkum ka jingpyllait khubor, la kdew ba kane kadei namar ka jingma kaba jur na ka jingkhyllem khyndew ne landslide, ka jinghap maw, bad ka jingkhang surok namar ki kam shna surok kiba dang laid shakhmat ha kane ka lynti.
Na ka bynta ka jingshngain, la ai jingmut is baroh kiba leit jingleit ba kin pyndonkam is ka surok Shillong — Jowai — Amlarem — Dawki, kaba kham shngain ban poi sha Dawki bad sha kiwei pat ki jaka jngohkai kiba marjan.
La kyntu ïa baroh kiba leit jingleit ban kiar na ka jingleit bym donkam lyngba ka surok Shillong—Pynursla—Dawki.
La bthah ba dei ban bud ryntih ïa ki jingbthah ba la pynmih da ki bor synshar shnong bad ki pulit pynïaid kali. Nangta ban peit bha ïa ka jingtip shaphang ka suinbneng bad ka jinglong jingman jong ki surok shuwa ban sdang ïa ka jingleit.
Ban long kiba husiar bha haba leit jingleit, khamtam ha ki por ba jur slap bad ruh ba dei ban pyntip mardor sha ki kynhun ai jingïarap ba kyrkieh da kaba phone ha u number 112.