Lyngba ka jingïarap pisa ïoh kiba pang ban phah sumar ïa ki jingshitom bapher bapher

Shillong, Nailar 07: Ka ophis treikam jong u Deputy Commissioner, South West Garo Hills, Ampati, ka la pynbna ba ki nongpang kiba dei ki Scheduled Caste (SC) bad Scheduled Tribe (ST) kiba pang jingshitom kiba saphriang bad ka pisa kaba hap hapoh T. 5,00,000 shi snem ki lah ban ïoh jingïarap pisa na ka Dr. Ambedkar Medical Aid Scheme (Revised-2026).
Ka Dr. Ambedkar Foundation (DAF) hapoh ka Ministry of Social Justice and Empowerment, sorkar India, ka pynlong ïa kane ka scheme ban ïarap ïa kiba donkam jingsumar kaba kynthup ïa ki jingshitom kiba shyrkhei.
Ka jingïarap pisa kaba ha khliehduh ka long ïa ka jingsumar klongsnam kaba poi haduh T. 1.50 lak, katba ka jingsumar khyllai bad dialysis, ka poi haduh T. 3.50 lak, jingpang bampong, h
Haduh T. 2.50 lak, ka jingpang na ka bynta jong ka jabieng haduh T. 2.00 lak.
Ïa ka jingpynkylliang ïa ki dohjem shapoh met briew ka dei haduh T. 3.50 lak, jingpang jong u budlum ka dei haduh T. 1.50 lak. Katba kiwei pat ki jingshitom kan poi T. 2.00 lak, ïa ka rukom aplai, ki nongkynti ki dei ban pynpoi ïa ki kot kiba kynthup ïa ka Form bad ka dur passport. Ïa ka Estimated Cost Certificate, dei ba la soi da u Medical Superintendent.
Donkam ruh ïa ki Income Certificate, Caste Certificate bad Aadhaar Card lane Ration Card. Ki jingtip ba dei jong ka hospital (Account Number, IFSC Code) na ka bynta ban phah beit ïa ka pisa. Ïa ki aplikeshon, dei ban pynpoi sha u Director, Dr. Ambedkar Foundation, 15 Janpath, New Delhi – 110001, 15 sngi shwa ka sngi jingsumar.