Shillong, Jylliew 6 : U Myntri ka Ministry of Health & Family Welfare Jagat Prakash Nadda ula pynïaid ïa ka jingïalang jong ka Ministry Parliamentary Consultative Committee ha Shillong bad bishar bad bud dien ïa ki kam ba iadei bad ki prokram halor ka koit ka khiah ki Khynnah ha India.
ïa kane ka jingïalang la pynlong ha Courtyard by Mariot, Shillong, ha ka sngi Thohdieng. Kane ka Committee, ba la ïashim bynta ruh da ka Myntri Khynnah ka Ministry for Health & Family Welfare ka Anupriya Patel, kaba la kren sani ïa ki prokram halor ka koit ka khiah ki khynnah ha India bad ki lad ki lynti ban pynjanai ïa ki Policy kiba don jingïadei bad kane ka kam.
Ha kane ka jingïalang la wan ïashim bynta da ki MP ka Lok Sabha Dr CN Manjunath, Dr Sanjay Jaiswal, Rajabhau Parag Prakash Waje, Satish Kumar Gautam, Brijendra Singh Ola, Anoop Pradhan bad Dr Sharmila Sarkma.
Ki MP ka Raja Sabha kiba la ïadonlang ki kynthup ïa ka Dr. Kalpana Saini, Haris Beeran, Dr. Parmar Jashvantsinh Salamsinh, Dr. Radha Mohan Das Agarwal, Renuka Chowdhary, bad Rajathi.
U Secretary ka Ministry Punya Salila Srivastava, Health Research Secretary bad ICMR Director General Dr. Rajiv Bhal, bad u Director ka NEIGRIHMS Prof Nalin ki la ïadon lang ha ka jingïalang.
Hadien kane, ka Committee ka la leit sha NEIGRIHMS ban bishar ïa ki jingtei jong ka hospital bad ki jingshakri halor ka koit ka khiah jong ki Khynnah. Ki Dkhot ki la leit jngoh ruh ïa ka Pediatric OPD bad Ward, ïakren bad ki nongpang bad pynpaw ïa ka jingsngewhun halor ki jingsumar ba kane ka hospital ka la ai.
Haba rakhe ia ka World Environment Day, ka kynhun ka la pynlong ïa ka jingïathung dieng ha NEIGRIHMS.
