Long ba khreh ka shnong Umtham ban pdiang pynlong ïa ka International Meghalaya Kayak Festival

Shillong, Risaw 11: Ka Ri Bhoi Water Sports and Tourism Cooperative Society Ltd ha ryngkat ka jingïatreilang bad ka tnat ba dei khmih ïa ka Sports & Youth Affairs jong ka sorkar jylla Meghalaya shen kan ïoh ba pynlong ïa ka lympung ïakop kienglieng kaba la tip da ka International Meghalaya Kayak Festival ha Umtham Village, Ri Bhoi District.
ïa kane ka International Meghalaya Kayak Festival la pynkhreh ban sdang naduh ka 12 tarik haduh 14 tarik u Risaw, 2023 , ha kaba yn sakhi ïa ki nongïashimbynta na satlak ka pyrthei. Na bynta ki nongpeitkai kiba kwah ban sakhi ïa kane ka lympung, la pynkhreh ïa ka kali ka ban ïeng ha Khyndailad (Police Bazar) naduh ka por 6:30 baje mynstep haduh 7 baje ha kitei ki tarik ba pynlong ïa kane ka lympung.