Jowai, Naiwieng 16: Ka Khasi Student’s Union (KSU) Namdong Area Unit hynnin ka sngi hapoh ka jingïalam u samla Kitboklang Lamare President bad u samla Rimiki War Finance Secretary bad katto katne ngut ki dkhot kila leit pynsngew bad ai daka jingthoh sha ka ophis DM&HO West Jaiñtia Hills halor ka jingleh matlah ka sorkar ïaka Community Health Center Namdong .
Na kipor sha kipor naka liang jong ka seng kala ïai pynsngew sha kiba dei peit hynrei ym don ba sngew bad ym don ba pynsngap satia. Mynta ka kynti kitei ki nongïalam ka seng ki la ïoh ban ïakynduh ïa u Additional DM&HO da kaba ai lang bad ka jingthoh ban pynsngew halor ki jingeh ba ki paidbah ki ïa kynduh haba ïadei bad ka jinsniew rathai jong u surok ba ïaid sha katei ka CHC.
Ka seng ha ka jingïakren bad u Additional DM&HO u la kubur ba u surok CHC u long uba sniew bad ula kular ban pynsngew sha ki ba halor ban leh ïa kaba donkam.
