Shillong, Ïaiong 26 : U Myntri Rangbah ka Jylla Conrad K Sangma ha ka sngi Saitjain u la leit ban sakhi lang ïa ka jinglehniam ba khatduh ïa u Kpa Bakhuid Pope Francis ha Vatican.
Da kaba snohkti lang bad ki lak ngut ki paidbah bad ki nongïalam na ki ri jong ka pyrthei, u Myntri Rangbah u la ong ba u sngewkmen ka mynsiem ban ïoh lad ïa ka lad ban don lang ha St.Peter Square ban ïoh ai khublei khatduh ïa u Kpa Bakhuid ha kaen ka sngi.
Da kaba pynpaw ïa ka jingkmen ba u la ïoh ban kynduh ïa u Pope Francis ha ka por ba u dang im, u Myntri Rangbah u la ïathuh ba ka jingïoh ban don lang ha kane ka sngi ba khatduh ka la pyndap ïa ka mynsiem jong u.
Ha kawei pat ka liang, u Myntri Rangbah u ong ruh ba une u Kpa Bakhuid kumba u ju leh ha kapor ba u dang im, kumta ruh wat ha ka sngi kiba khatduh jong u, u la ïoh ban lum lut ïa ki nongïalam na kylleng ki ri jongka pyrthei ba kin ïa kynduh lang khrui ha kane ka sngi.
Ïa u Myntri Rangbah ha kane ka sngi la synran da u Officer on Special Duty ba deiruh u Political Secretary, Bah Daniel Thangkhiew.
Dang ha u Nohprah jong u snem 2022 u Myntri Rangbah u la kynduh ïa u Pope Francis ryngkat ka jingkyrpad ba un duwai lang na ka bynta ka jylla Meghalaya bad ki nongshong shnong jong ka.
