Shillong, Nailur 26 : U Myntri ka tnad Pule Puthi ka sorkar jylla, Rakkam A Sangma hynne ka sngi u la leit ban plie pyrda ïa ka jingrakhe dap 60 snem ka College of Teacher Education (PGT) Shillong ha ka prokram kaba long ha katei ka college hi.
U Myntri ha ka jingkren kum u Kongsan u la ai ka jingïaroh ïa katei ka jaka pule kaba la ai ka jingshakri kaba paka tam ban pynmih bad sei da ki hajar ngut ki nonghikai kiba la shakri mynta ha kylleng ki bynta jong ka jylla ha ki jaka pule bapher bapher hadien ba ki la ïoh ïa ka jingpyntbit nangtei.
U la ong ruh ba da ka jingïaid jong ka juk ki kor ki bor, teng teng ki paidbah ki ju shaniah ha kiba bun ki khep kumta u la kyntu ïa ki samla pule ba kin pyndonkam ruh ïa ka jingstad tynrai ba ki don bad da tyngkai noh ïa ka jingpyndonkam ïa ki kor ki bor pynsuk kiba don mynta.
Shuh shuh u ong ruh ba ïa ka lawei jong ka imlang sahlang ka jylla bad ïa ka pateng ban sa wan ka shogn mynta ha ka kti ki nonghikai, u Myntri u kyntu ruh ïa ki samla kiba wan pyntbit ha katei ka college ba kin shim ïa ka jingkitkhlieh ban pyntikna ba kin lah ban noh synniang ban sei ïa ki nongshong shnong kiban ai jingmyntoi ha ka imlang shalang.
Ha kane ka prokram la don lang ruh u Adviser ka tnad pule puthi, Bah HM Shangpliang, Bah WL Lyngdoh, IAS (Retd) bad President ka College Governing Body, Dr. MA Jyrwa Princial ka College bad kiwei kiwei.
