Bapung, Rymphang 12 : U President ka NPP ha kane ka jylla bad u Symbud Myntri Rangbah u bah Prestone Tynsong u la pynpaw ba u wan ha Bapung mynta ka sngi tang na kawei ka daw bad kata ka long kum u state president ban kyrpad rit ïa baroh ki briew jong ka constituency Moosniang-Rangad ba phin sngewbha ban ai ka jingjop don burom ïa u kyrtong jong ka party NPP u ma Phasmon Dkhar khnang ba sa shisien pat yn ïoh ban thaw ïa ka Executive Committee hangtei hapoh ka JHADC hapoh Jowai.
U la ong “Kum ka jingpynkynmaw lem ïa phi baroh ka party NPP ka lah ïalam ïa ka sorkar naduh u 2018 ter ter haduh kane ka khyllipmat ba mynta bad haba ngi ïalam ïa ka sorkar haduh ka sngi ba mynta ngi ïohi ïa ki dak ki shin kiba kylleng sawdong jong ka constituency ka jong phi bad kylleng sawdong jong ka jylla Meghalaya jong ngi, ngi la lah ban wanrah ïa ka jingkylla bad ruh ïa ka roi ka par”.
Ka nuksa kaba bha tam eh na ka bynta jong phi hangne hapoh ka constituency jong phi bad khamtam ïa kane ka shnong Wapung baroh kawei ka jingïoh jong phi ïa ka block headquarter hangne ha ka shnong ka lah dei ka burom kaba khraw bad ka jingkyrkhu ïa ka shnong baroh kawei.
“Haba ngi ïohsngew mynne pleng u bah Phasmon Dkhar udei u khun trai jong ka Wapung. Te ngam tharai haba u dei u khun trai t e phin ïeh ïa u. Nga ruh nga dei na Wahkhen ngan ïathuh ïa phi naduh ba nga sdang ïeng election nyngkong kajuh nga long kumba leh u bah Phasmon kaba nga ïeng nyngkong ka dei ban canvas elekshon na shnong lajong nangta ngan sa ïaid kylleng sawdong ki shnong jong ka constituency” ïathuh u bah Prestone.
“Ngi lah ïoh sngew mynne ba bah Phasmon u long kumta. Ka public meeting kaba nyngkong eh u sdang na la Rympei na la ïing lajong na tynrai sohpet jong I mei I pa bad une u riewrangbah un nang pyndonburom ïa kane ka shnong ka jong phi baroh kawei” ban biang u President ka NPP.
“Kawei nga kwah ban ong ka long na ka bynta ka issue ka ba dang donkam nga da kyrpad ba ka dei ka kamram ka jong phi kum ki paidbah bad wat ki nongsynshar shnong haba don u khun lajong u pyrsa lajong balei ban ngin klet ïa u” ong u Symbud Myntri Rangbah
“Nangta kaba kham sngewtynnad shuh shuh na ka liang ka sorkar ba ïalam da ka NPP, phi lah ïoh ruh da ka centre ban ïaleh ïa ka exam. Nga sngewnguh ïa ka bor shnong ka bym kwah ban pynthud ïa ki samla ki jong ngi kiba ïaleh ïa ka exam matric ban pynlong ia kane ka public meeting ne election campaign shajan jong ka skul.
Ka long ka jingsuk kaba khraw ba kine ki area baroh ki khynnah skul ki lah ban wan hangne hapoh Wapung ba kin ïoh ïaleh ïa ka final exam ka jong ki. Mano ba ai \ïa kata? Ai ka sorkar lyngba ka party NPP.
“Nga lah ïoh ïa ka estimate na ka bynta kato ka external road lyngba u MDC jong phi lada nga ïohi ba phi cross 95% ngan ai sanction noh wut wut lada ym ïoh kumta te ban pynsuki jai. Nga kwah ïohi ha ka 24 tarik 95% ki nongthep vote hangne ki dei ban thep sha u bah Phasmon” ong u Symbyd Myntri Rangbah.
“Nangta ngi ïohi ïa ki media ha kine ki khyndiat sngi o ka jing ïa byrngem byrsit ïa ki bor shnong bor thaw ym long ïakren shuh. Hana ngin leit sha ka aiñ, hana ngin leit sha ïing lieh ïing saw ngam tip phi tip ne phim tip ka district council ka don ka aiñ kaba skhem bad ki nongthaw aiñ dei jong u bah Phasmon ka EC ka jong ki” ong biang u bah Prestone.
“Ka bor bad ka iktiar jong ka aiñ shnong kadei kaba khlaiñ haduh katta katta. Nga tharai ki nongshong shnong lada don mano mano na ki longïing kiba ïaid pyrshah ïa ka aiñ shnong kynmaw bha kan long kaba eh bha ïa kaba kum kita ki jait longïing” u la ong biang.
“Nga kynmaw ha shnong Wahkhen lada u sordar lane waheh shnong bad ka committee shnong ka lah rai ba ha kata ka sngi dei ban khang shnong ym bit uwei ruh ban leit shabar nga ïathuh ïa phi ngi juh burom ïa kata ka aiñ shnong. Haduh katta ngi burom ïa ka aiñ shnong bad ka Nongrim jong ka district council ka long ban pynskhem ïa ki Daloi bad ïa ki Waheh Shnong – kata kadei ka bor ba ka district council ka leh.Te nga ong ïa phi ïa kito kiba pyntieng kiba pynsmiej wat juh khuslai. Hangtei ka Shillong, nga pyrkhat kat ka Mawlai Town Dorbar ruh ka dang shah byrngem. Mano ba byrngem ki byrngem ki political parties” ong u bah Prestone.
“Nga ong ïa phi kane ka juk kaba mynta hadien u 2023 nga I ka don ka jingkylla kaba I shyrkhei ba ki paidbah kim bishar bad kim ïeng rangbah I kumba kata ka riti ka dustur I kumba kata ka bor ne ka iktiar naduh ka bor u Daloi ka bor jong ki Waheh Shnong I kumba kan sa twa noh shen te nga kwah ban kren ïa kane da kaba shai wat tieng wat smiej ïaid ha ka lynti kaba dei” ban jur u Symbud Myntri Rangbah.
“ Bad ka bor shnong wat nga u ba long u deputy CM ngan nym nud ban ïaid pyrshah. Nga ong ïa phi nga poi ha shnong lajong ban long meeting ka mut la kumno kumno shi taiew shuwa nga da pan ïa ka order wat lada nga dei u trai shnong nga da ong to pyrkhat lang ka long ne em ban pynlong jingïalang kum ki rangbah shnong bad nongpynïaid shnong lada ki ong em ha kata ka sngi ngim lait ngin lait pat hakata ka sngi nga ong ïa phi kata ruh nga lah hun” ïathuh u bah Prestone.
“ Shuwa ban leit canbas elekshon. Ngim lah canvas elekshon khlem ka NOC na ki bor shnong. Ka model code of conduct kaba issue da ka ECI bad sorkar ka jong ngi ngi phah sha ki bor shnong bad ki bor shnong ki pynjanai shuh shuh ïa kata.Yn nym don ba lah ban ïaid lait. Phi ïaid lait lah kulmar ka shnong, lah duh ka shongsuk shong shngain” u la ong .
“Ha ka por ba leit ïalap elekshon ha Mizoram ha u 2019 namar ba lah don ka MCC ka ECI ngan ïathuh ïa phi nalor kata ka MCC ka Mizo Synod sa kawei ka copy ka ai ba nalor kita ki kyndon ba buh ka ECI ka buh sa ka synod ba u candidate um lah pynlong meeting khlem jingpynlong duwai shuwa”.
Kawei pa kawei ka shnong hapoh KHADC ne JHADC kam dei ban don kano kano ka kynrum kynram ha ka jingïaleit campaign elekshon namar ngi ruh nangtei na secretariat ngi lah ai ïa ka order ba kadei ban don ka jingïatreilang hapdeng ka shnong, political parties bad independent candidates hynrei ki hap ban burom ïa ka aiñ ba pynbeit da ki shnong ha kylleng ka ri Khasi Jaintia.
“ Nga kyrpad ba ai ba u bah Phasmon Dkhar un long ka jingkieng na kane ka shnong bad constituency ba ïajan bad u chief minister bad deputy chief minister bad ma Sniawbha khnang ba u wan tied jingkhang na ngi ïa ki jingdonkam ki paidbah ka constituency ka khmih lynti. Nga kyrpad ïa phi sngewbha ai ïa ka jingkyrshan ba pura. Ym dei tang ka constituency jong phi , toh ngin pynsngewthuh paidbah ba ka por ka lah dei ba ngin ai jingkyrshan pura ïa ka party NPP.
