Shillong, Naiwieng, 02: Ki dkhot jong ka RBYWO ha ka sngi Palei ki la leit ban khang khyrdep ïa ki ophis triekam jong ka Sorkar Pdeng kiba don ha them Ri Bhoi namarba ki plie ïa ka ophis ha ka sngi lehniam Shad Pomblang, Nongkrem.
Ki dkhot ka seng hapoh ka jingïalam jong u General Secretary u Bah Kenny Nongrum ki la dawa ïa ki bor ba dei peit bad ïa ki ophisar jong kine ki shlem treikam ka Sorkar Pdeng ba kin burom ïa ka sngi kyrpang jong ka jaidbynriew.
Ha kane ka sngi, ki dkhot jong ka KSU ki la leit ban phah khang khyrdep ïa ki shlem treikam jong ki Bank ha Shillong bad ha them Ribhoi kiba la plie bad kynnoh ruh kane ka jingleh jong ki Bank ka ju jia manla ka por ha kaba la plie khnang ïa ki shlem treikam ha ki sngi shuti kyrpang jong ka jylla.
