Shillong, Nailur 17: Ka Department of Political Science, NEHU, Shillong, ka la pynlong ïa ka symposium ha ka sngi baar kum shi bynta na ka jingrakhe ïa ka jingdap 50 snem ban burom ïa ka jingim bad ki jingnoh synniang jong u Prof Barrister Pakem. La pynlong ïa kane ka prokram kum ka jingburom ïa ka jingshakri jong une u vice-chancellor ka NEHU, kaba la ïathuh da ki nongkren kum Prof Gassah, Prof David R Syiemlieh, bad kiwei ki nongtrei kiba la ïajan bha ka jingtreikam bad Prof B Pakem.
Na ka liang ki nongkren ki la batai shaphang ka jingnoh synniang u Prof Pakem kum u nonghikai, ka kyrdan jong u kum u riewshem phang trai ri trai muluk, ka kam ba u la bat kum u president ka NEHUTA, ka bynta kum u VC ka NEHU, bad kiwei kiwei ki kam ba la leh ha Meghalaya. Na ka liang Prof TT Haokip, khlieh jong ka Political Science department, u la pynkup burom ïa Dr D Khonglah, ba dei i khun jong B Pakem. Haba bynrap na ka liang Prof Susmita Sengupta, Prof K Debarma, Prof Lakhan Kma, bad Ms Meo ki la pynpaw ïa la ki jong ki jingsngew ha kane ka prokram. Katba u Dr Batskhem Myrboh u la pynpaw ïa ki ktien pdiang sngewbha bad Prof SP Das u la ai ki kyntien khublei.
