Shillong, K’lyngkot 19: Ka Voice of the people Party (VPP) lashai ka 21 Kyllalyngkot ha ka jingïalang paidbah ban long ha Smit ha ka por 12 baje shiteng sngi kan sa pynbna paidbah ïa ka Shap (Symbol) jong ka party uba ka Election Commission of India (ECI) ka la mang na bynta ka party.
Lah ban kdew ba ha kaba nyngkong ka VPP ka khmih lynti ba kan ïoh pynbna ïa u symbol jong ka ha ka sngi Nyngkong hynrei na ka daw ba ki file ki sahkut noh ha ka miej u Chief Election Commis sioner namar ka jingbun kam jong u ban jurip ïa ki jylla ban sa long elekshon ka party kam pat ïoh pynbna satia.
Ha ka kyrwoh na u Nongai ktien ka VPP, u Dr Batskhem Myrboh u la khot la wer ruh ïa ki paid ka ri ban wan shim bynta lang sha ka tei ka jingialang ban sa long ha Smit.
