Nongpoh, Nohprah, 23: U Superintendent of Police ka Ri-Bhoi u la pyntip ba ki pulit ka Ri-Bhoi ki la lap ïa kawei ka metiap jong uwei u rangbah ba la thiah lyngktar hapdeng jong u surok bah National Highway-6 ha ka 21 tarik mynta u bnai ha ka por kumba 5 baje eiei mynstep ba la suba ruh ba utei u briew u la shah tynrah ha ka kali kaba la phet krad na katei ka jaka.
Na ka liang u SP u la pyntip ruh ba utei u briew la antad ba u don ha ka rta kaba 40-45 snem, ka jingjrong kaba 161cm, bad u phong da ka jacket rong brown, ka patlun ïong, ka T-shirt ba dum rong, u shñiuh ba rong grey. Na ka liang ki pulit hadien ba la pyndep ïa ki jingdonkam baroh ki la rah noh ïa utei u briew sha Civil Hospital Nongpoh na ka bynta ka Post Mortem ban lap ïa ka daw tynrai jong ka jingïap jong u bad mynta la buh ïa u ha ka jaka buh metiap ha Civil Hospital Nongpoh.
