Shillong, K’ Lyngkot 04: Ka khubor ba la ïoh na ki pulit, la ong ba ha ka 29.12.2024 ha ka por kumba 4:05 baje janmied ki pulit ki la ïoh jingtip lyngba ka phone ba kawei ka metïap jong u rangbah briew bym lah ban ithuh la shem ha kawei ka shnong kaba kyrteng ka Mynkre na kawei ka jaka kaba don shalyndet kawei ka dukan kaba marpyrshah jong kawei ka Petrol Pump najan ka sweet Chilli guest house.
Halor kane ka jingjia ïa ka jingtohkit la pyndep da u EO bad la sngewthuh ba une uba la khlad la suba ba u dei u bar jylla uba la ha ka rta kaba hapdeng ka 50-55 snem. Ïa ka jingtohkit, ka Autopsy la leh ha Khliehriat Civil Hospital bad ïa ka metïap la buh ha jaka buh metïap jong ka Khliehriat Civil Hospital na ka kito ki kwah ban leit peit pynithuh bad ban leit kam.
La bthah ïa baroh kiba ithuh ïa une u briew uba la khlad kin sngewbha ban pyntip noh mardor da kaba phone ha u contact number jong l/O ban lah ban dang tohkit shuh shuh halor kane ka kam bad u contact number u dei 7085809941, ong ka kyrwoh na u Superintendent of Police, East Jaiñtia Hills District, Khliehriat.
