Lap ka KSU Laban ha ka jaka ïalehkai Taekwondo
Bteng ka jingdkoh ha ka Meghalaya Games
Shillong: Hadien ba ïoh jingujor na ki nongïalehkai halor ka jingjaboh bad jing torti na kawei na ka jaka ïalehkai jong ka Meghalaya Games 2022 kaba don ha Laban Sports Club kaba pynlong ïa ka jingïalehkai Taekwondo, ka KSU Laban Circle ha ka jingïalam jong u Samla Jason Laloo Asstistant Finance Secretary jong ka KSU Laban Circle ka la leit khmih ïa katei ka jaka.
Ka Seng la lap ïa ka jingtorti jong ki nongpynïaid ha kaba ka jaka leit bar bad pynjhieh jong ki nongïaleh-kai shynrang bad kynthei ka jaboh haduh katta katta bad wat tang ka um ruh kam don. Ka Seng kala phah ïa ki nongpynïaid ba ka dei ban pynkhuid mardor ban nym ktah ïa ka koit ka khiah jong ki nongïalehkai.