Lap ka HYC haduh 11 baje khlem wan biang por ki nongtrei PWD Road South Jowai Division

Jowai, Nohprah 19: Ka Hynñiewtrep Youth Council (HYC) Jaiñtia Hill District hadien bala ïoh ka jing ujor na ki paidbah halor ka jingbym wan biang por ki nongtrei jong kawei ka tnad sorkar kaba hap hapoh ka PWD Road (South Jowai Division),
Ka seng mynta ka sngi 19 tarik u Nohprah hapoh ka jingïalam u Samla Phaitki Suna Organising Secretary bad Vice President Samla Yoodahunki shylla kala leit jurip dalade hi ban lap ïa ka jingbym wan biang por ki nongtrei jong katei ka ophis.
Ki dkhot ka seng kila lap ruh kat haduh 11 baje eiei ruh ym pat don nongtrei lane Staff kiba wan sha ophis treikam la lap tang ar ngut ngut eiei kiba don haki kamra treikam jong ki bad kumjuh la lap ba u Executive Engineer South Jowai Division u khlieh jong katei ka ophis wat ma u ruh u khlem shem la don ha kane ka por.
Na ka liang ka seng ka pynpaw ka jingsngew sih bad ka jingpynrem halor kane ka jingwan slem jong kine ki nongtrei ha kane ka ophis ba ki khlem burom shuh ïa ka por ba kordor jong ki. Na kane daw ba pynlong ïa u paidbah ba un kynduh shibun ki jingeh namar bym don nongtrei haka por ba ki wan sha ka office.
Na ka liang ka seng ka pynpaw ka jingbynñiaw khamtam eh ïaki briew bapli kiba wan na ki thaiñ nong kyndong kiba jngai na ki shnong jong ki, kiba la hap ban ïabeh ïa ka por khnang ba kin ïoh pyndep kam haka por ba biang, hynrei phew se ki shu leit phai thylli noh, namar ba hap ïabeh kali ha ka por kaba biang namar tang ki shu slem kin ym ïoh kali shuh nala ki shnong jong ki.
Ka seng ka buh jingkylli baroh ki briew ki ïabeh la ki jong ki jong ki kam hynrei ki burom pat ïa ka por? hato lada kane ophis kan nang bteng nangnge shakhmat ban wan trei khlem biang por?