Shillong, Nohprah 13: Uwei u briew u bym tip briew bad uba ym lah ban ithuh la lap napoh Bimola, Ïewduh ha ka 9 tarik mynta u bnai, hynrei hadien la pynbna ba la wanrah ïa u ynda la lah ïap lypa sha ka jaka sumar.
Halor kane na ka long u Superintendent of Police, ka East Khasi Hills u Bah Sylvester Nongtnger u la ong ba utei u briew uba la don hapdeng ki rta 40 haduh 45 snem u dei uba la phong ïa ka jacket kaba rong ïong, ka shirt kaba rong stem bad ka patlun black jeans. Katkum ki jingtoh bad ki kam kiba la pyndep baroh katkum ka aiñ ïa utei u briew bym lah ban ithuh la buh noh hapoh jaka buh metïap jong ka Shillong Civil Hospital na ka bynta ban don kiba wankam ïa ka metïap.
