Mawkyrwat, ‘Nailur, 24: U rangbah uba la antad ba u la don kumba 38 snem eiei ka rta u la duhei ïa la ka jingim ha kaba ïa ka met jong u la lap na kawei ka jaka ba ju khot ka ‘Riat Thawlong’ kaba kynjang 20 phut eiei ha ka surok hajan ka ïew Mawkyrwat.
Katkum ka tyllong khubor na ki Pulit, la ong ba halor kane ka jingjia katkum ka jingïathuh na ki bahaïing hasem, la ïathuh ba une u rangbah u dei uba la tip kyrteng kum u Hopewelson Turnia, 38 snem ka rta na ka shnong Ngunraw, South West Khasi Hills Distritct.
Une u rangbah la jah na la ïing naduh ka 20 tarik mynta u bnai bad um shym la wan phai shuh sha la ïing. Hynrei dei tad ha ka sngi U Blei la don ba pyntip ba ki la ïohi ïa kawei ka met kaba la thiah ïap ha kawei ka jaka ba ki khot ka ‘Riat Thawlong’ hajan ka ïew Mawkyrwat kaba la sdang pyut.
Ki Pulit kiba la ioh jingtip halor kane, ki la leit shimti noh ïa ka met ban rah sha Civil Hospital Mawkyrwat na ka bynta ban pyndep ïa ka Postmortem.
Halor kane, ki Pulit ki la register case bad pynlong \a ia ka jingtohkit ka dang ïaid shakhmat.
