Shillong, Iaiong 01 : Uwei u Rangbah ula lait salit na ki jingiap, ha ka jingshah rong ha ka umsaw jong ka Wah Umkhrah haka sngi Thohdieng ha ki thaiñ Polo.
Ka jingther kynsan u lapbah khamtam ha Nongbah Shillong, kala wanrah ïa ka jingdap um ym tang ki lynti ïaid bad ki surok hynrei kala wanrah ruh ïa ka jingkiew um kynsan jong ki Wah khamtam ha Wah Umkhrah
Ha kane ka jingkiew um, uwei u rangbah ula hap hapoh ka Wah Umkaliar bad shah rah ha ka umsaw hynrei donbok ba kane ka jaka kam dei kaba jylliew bad ba khlaiñbor ka jingtuid ka wah , une u rangbah ula lah ban ïaleh bad poi sha ka jaka ba shngain.
Ki paidbah kiba sakhi ïa kane ka jingjia, kila leit ban ai jingïarap mar mar ïa une u rangbah ba un lait na ka jingshah rong ha kane ka wah.
La ïohi lyngba ka Video ba ïa une u rangbah la lah ban ïarap noh da ki paidbah daka ba tan ïa u da u seij bad ula lait naka jingjia ba sngewsih.
