Jowai, Nohprah 03: Ki Pulit jong ka West Jaiñtia Hills District, ki la pynlong ïa ka jingkhynra ban kem ïa ki nongtuh kiba donkti ha ka kam tuh bike bad ban shalan tuh ïa ki bike tuh sha Bangladesh bad kiwei kiwei ki bynta.
Ha ka 03.11.2024 ha ka por kumba 04:30 baje mynstep hadien ka jingkhynra kaba jur ki pulit ki la ïoh kurup haduh 3 tylli ki bike kiba la shu iehnoh da ki nongtuh bike, ïa kine ki bike la ïoh ha ka shnong Mihmyntdu, West Jaiñtia Hills District.
Ki pulit ki la pyntip ruh ba tang ha ka shi taïew la ïoh kurup haduh 4 tylli ki Bike tuh ha kane ka District. Na ka liang ki pulit ki la kyntu ïa ki trai jong ki kali ar sha ka ba ki dei ban buh (park) bha ha ki jaka kiba shngaiñ ïa ki bike ne ki kali ar sha ka jong ki ban lait na ka jingshah tuh.
