Shillong, Nohprah 05 : Ka North-Eastern Region (NER) Shillong ka la khur ia ka nam lahduh ha ka final jong ka Powergrid Inter-Regional Football Tournament 2023 da kaba pynliem da ki 2-0 kol ia ka Corporate Centre (CC) ha ka jingiakhun kaba long ha madan MFA artificial turf, Polo, Shillong ha kane ka sngi Ba-ar.
Ia ki kol jop na bynta ka kynhun la thep da u Dao Sutnga bad u SP Zou hapdeng ka jingiakhun kaba itynnad bha.
Ha ka jingsam ia ki khusnam, u Ashish Tamang
jong ka Eastern Region-II u la ioh ia ka khusnam nongap kol ba kynsai katba u Zou bad Laldi ouia jong ka kynhun lahduh ki la ioh ban khur ia ka khusnam rangialehkai ba ioh thep bun kol bad rangialehkai ba kynsai.
La donlang ha kane ka sngi naduh u Upananda Kataki, Executive Director, Powergrid, SK Sharma, DGM, Corporate Centre, MK Baruah, Senior General Manager, Anjan Sanyal, SR GM (HR) bad Bah Cliff Nongrum na ka Meghalaya Football Association.
