Shillong, Lber 20 : Ka Maitshaphrang SC ka la ïoh rah ïa ka nam lahduh jong ka lympung ïalehkai kynjatbol kaba la tip kum ka (L) Holet Suting Memorial Football Tournament 2024 ba la pynïaid da ka Mawdron SC.
Ka Maitshaphrang SC ka la ïoh rah nam lahduh hadien ba ka la pynliem noh ïa ka Ryntihlang SC ha ka jingïalehkai phainal kaba la long ha ka 9 tarik Lber 2024 ha Pomdngiem Football Ground.
Lyngba kane ka nam jop, ka Maitshaphrang SC ka la ïoh ruh ban khur ïa ka song pisa ryngkat ka trophy bad kumjuh ruh ka Ryntihlang SC kaba wan ba ar ka la ïoh ïa ka song pisa lem bad ka trophy.
Ha katei ka sngi la wan ban pynhap pyrda da u Bah Olet Kharsahnoh Sordar ka Shnong Jongksha kum u Kongsan, Bah Ïohbor Suting kum u symbud kongsan, ha ka jingïasakhi lang ki riew rangbah jong ka thaiñ Mawkynrew, ki nongpynïaid ka Mawdron SC bad ki paidbah nongpeitkai.
Ha katei ka lympung ïalehkai kynjatbol bol kaba lai sngi kaba sdang ha ka 7 tarik bad kaba la kut noh ha ka 9 tarik Lber 2024 la wan ban ïashim bynta da ki 16 tylli ki kynhun jong ka thaiñ.
