Shillong, Rymphang 25: Ka jingïakop siat Khnam kaba dei kawei na ki bynta jong ka Khelo India University Games (KIUG) 2023 kaba la sdang naduh 20 tarik mynta u Rymphang ha nongbah Shillong la pynkut noh hynnin ka Sngi Saitjaiñ ha kaba ïa ka namlahduh la ïohrah da ka Lovely Professional University Punjab ha baroh ki liang jong ki Kynthei & Shynrang.
Ha katei ka sngi pynkut ïa ka ïakop siat khnam la ïadonryngkatlang ka Kong Matsiewdor War Nongbri-President jong ka Archery Association of Meghalaya, nangta u Rama Shankar Ram General Manager BSNL Meghalaya, u Raj Kumar Giridhari Singh Finance Officer NEHU lem bad kiwei kiwei kiba la ïoh bynta ban sam khusnam sha ki nongjop.
Kane ka jingïalehkai kaba la bteng saw sngi lynti ka long ka jingsah jingkynmaw ïa ki nongïakop siat khnam kiba la wan na ki thaiñ bapher bapher. Ka jingïakop ka la ïaid beit ïaid ryntih watla ki la don ki sngi ba theh u slap hynrei kam shym la pynthut satia ïa ka jingïalehkai ban ïaid shakhmat.
Ha ka 23 tarik u Rymphang la pynlong ïa ka final na bynta ka thup ïakop jong ka Compound Men Individual ha kaba u Chirag Vidyarthi jong ka Rani Durgavati Vishwavidyalaya u la ïoh ban khur ïa ka takma ksiar, katba u Adiya Dnyandev Gadadhe na ka Savitribai Phule Pune University MS u la khur ïa ka Rupa bad u Harpreet Singh Maan na ka Chandigarh University u la jop takma Rnong. Ha ka Compound Women Individual ka Mahel Pathan na ka Savitribai Phule Pune University MS ka la jop takma Ksiar, nangta bud sa ka Sunainadevi na ka Lovely Professional University Punjab kaba jop takma Rupa, bad ka B Manasa Nayana na ka Lovely Professional University ka la khur Rnong.
Ha ka Compound Mix Team, ka Savitribai Phule Pune University ba la mihkhmat da u Parth Sunil Korde bad ka Mahek Pathan ki la jop takma Ksiar, ka Lovely Professional University Punjab ba la mihkhmat da u Vikas bad Sunainadevi ki la jop Rupa, bad ka Guru Nanak Dev University Amritsar ba la mihkhmat da u Sangarsh Dev Singh & Kiran ki la jop takma Rnong.
Ha ka Compound Women team, ka Lovely Professional University ba la mihkhmat da ka Sunainadevi, B Manasa Nayana, Krati Swami, bad Khushboo ki la jop takma Ksiar, katba ka Guru Nanak Dev University ba la mihkhmat da ka Kiran, Somanshi , Medatwal, Khusi Sharma bad ka Anjali ki la jop Rupa. Ka Savitribai Phule Pune University ba la mihkhmat da ka Mahek Pathan, Vaishnave evishwambhar Ubale, Hrutuja Vinay Gate bad Divya Sampat Gavhane ki la jop takma Rnong.
Ha ka Compound Men team, na ka Lovely Professional University la mihkhmat da u Vikas, Deepak Kumar, Vishesh Vaidwan bad Deepak ki la jop takma Ksiar, katba ka Guru Nanak dev University Amritsar ba la mihkhmat da u Sangarsh, dev Singh, Hirtik Sharma, Amit Thakur bad Mohd Shavej ki la khur Rupa, bad ka Savitribai Phule Pune University ba la mihkhmat da u Parth Sunil Korde, Aditya Dnyandev Gadadhe, Soumitro Satyabhataghosh bad Anuj Sanjay Patil ki la khur Rnong.
Hynning ka Sngi Saitjaiñ (24 tarik Rymphang) la ïoh ban pynlong ïa ka final jong ka Recurve Men individual, ha kaba ka Punjab University Patiala ba la mihkhmat da u Pawab ka la jop ksiar, u Mrinal Chauhan na ka Lovely Professional University Punjab u la jop Rupa bad u Jaswinder Singh na ka Punjab University Patiala u la jop takma Rnong.
Ha ka Recurve women Individual, ka takma ksiar la khur da ka Somya Negi jong ka Lovely Professional University Punjab, ka Hemchandracharya North University Gujarat ba la mihkhmat da ka Bhagaviben Vargishkumar ka la jop Rupa bad ka Ranchi University Jharkhand ba la mihkhmat da ka Sabitri Kumari ka la khur Rnong. Ha ka Recurve Mix team, ka Rani Durgavati Vishwavidyalaya ba la mihkhmat da u Amit Kumar & Kratika Bichpuriya ki la jop Ksiar, ka Kurukshetra University Haryana ba la mihkhmat da u Shivam Kumar & Ridhi ki la jop Rupa, nangta ka Maharaja Ganga Singh University ba la mihkhmat da u Anuj Bhambhu & Pariksha ki la jop Rnong.
Ha ka Recurve Men team ka Lovely Professional University, Punjab ba la mihkhmat da u Mrinal Chauhan, Aditya Chaudhary, Santosh Dutta bad Jashandeep ki la jop takma ksiar. Ka Punjab University Patiala ba la mihkhmat da u Jaswinder Singh, Robin , Pawan, bad Daleep Bregar ki la jop Rupa bad ka Savitribai Phule Pune University MS ba la mihkhmat da u Kunal Vinayak Pawar, Ritesh Narendra Deshmukh, Lakhan Rajendra Bhoi, bad Om Bhupal Vinchu ki la jop Rnong.
Ha ka Recurve Women Team ka Guru Jambheshwar University of Sci and Tech Hisar ba la mihkhmat daka Avani, Ravina, Preeti, Dikshu ki la jop Ksiar, ka Lovely Professional University Punjab ba la mihkhmat da ka Tisha Punia, Dikshanayak, Somya Negi bad Veerpal Kaur ki la jop Rupa, ka Punjab University of Patiala mihkhmat da ka Harpreet Kaur, Tanishaverma, Gurmeharkaurgrewal, bad Shweta Singh ki la khur Rnong.
