Jowai, Naiwieng 19: Ka jingïalehkai phutbol ba la tip kum ka 11th Chatister Kharkongor Memorial Trophy, jong ka kyrdan 1st Division Football Tournament-2023, kaba la pynïaid da ka Jaiñtia District Sports Association (WJDSA) kala poi sha bakut hynne ka sngi saitjaiñ jong ka 18 tarik u Naiwieng, ha kaba ka Demthring SC kala long ka lahduh mynta u snem da kaba la lah ban pynliem ïaka Wahiajer da 2-1 kol ha ka jingïakhun jong ka Extra time, ha kaba u bha Finely Pariat, General Secretary Meghalaya Meghalaya State Olympic Association ula long u Kongsan.
Mynta ka sngi haba phai sha ka jingïakhun ka la long shi kaba itynnand ha kaba baroh ar liang ki kynhun ki long kiba ïadei bor bha, wat la tang haka minit kaba ar jong ka jingïakhun ka Demtring ka la ïoh ban pynkhih ïaka jar lyngba u Maidong Mukhim.
Katba na liang ka Wahiajer SC haka minit kaba 25 ka la ïoh ban siew ïa kane ka kol bad kine ki kol mar kawei ka la neh haduh ba kut ka kylla step.
Katba haka jingïakhun jong ka kylla miet ka jingïaleh ka la nang itynnad shuh shuh ha kaba baroh ar liang ki kynhun kim shym la ïoh ban pynkhih jar haduh kaba kut ka por. Kumta ïa ka jingïakhun hap ban pynïaleh da ka extra time bad ha kane ka jingïakhun na ka liang ka Demthring SC haka minit kaba 104 ka la ïoh ban thep ïa ka kol lyngba u Lounidajied Ryngkhlem kaba la long ka kol ba pynjop syndon ïaka Demthring.
Ha kane ka lympung ïa ka nam man of the match la ïoh da u Babitlang Dkhar jong ka Demthring SC, ïa ka nan Best Goalkeeper la ïoh da u Fourme Dkhar jong ka Demthring, ïa ka nam Top Scorer la ïoh da u Nidaioh Dhar uba la ïoh ban thep 6 goal bad ïa ka nam Player of the Tournament la ïoh da u Dawanbiang Pasah jong ka Nangbah Iawmusiang, Jowai.
Kumta kine ki ar tylli ki khynhun kiba poi phainal ki la ïoh ban kiew kyrsan sha ka Super Division jong ka WJJDSA.
Ïa ki khusnam la sam da u kongsan, ki dkhot ka WJDSA bad kiwei, ha ka jingïadonlang u ma EMH Pasah Working President WJDSA, ma Lamat O Laloo Secretary WJHDSA, ma Nangebor Suting Football Secretary, ma P. Lamare Working President nalor kiwei de.
