Lahduh Chi-Kyr-Ton FC ha ka Kyrphei Intra Football

0

Shillong, Kyllalyngkot 21: Ka 4th Kyrphei Football, 2024 ka la poi noh sha kaba kut hadien ba ka Chi-Kyr-Ton FC ka la lah ban pynliem noh ïa ka Tyllilang FC da 2 – 0 kol ha ka jingïakhun final kaba long hynin ka sngi.
Ïa kine ki kol jop na bynta ka kynhun la ïoh ban thep da u Balashempheng Rynjah ha ka minit kaba 51 bad ïa ka kol kaba ar pat la ïoh ban thep da u Tyngshain Marwein ha ka minit kaba 73 kaba la pynlong ïa ka Chikyrton ban rah suk ïa ka nam lahduh.
Na ka liang u Kongsan,Dr. RP Kharshiing haba kren ha kane ka jingialang u la kyntu ïa ki samla ka thaiñ ba kin pyndonkam hok ïa ka sap ba ki don ha ki kam ïalehkai. U la kyntu ruh ïa ki nongïalam jong ki sports club ba kin bteng ban pynlong ïa kum kine ki lympung khnang ba ki samla kin lait na ki jingsniew ba harukom. Kiba donlang ha kane ka sngi ki kynthup naduh u BahWS Umdor Secretary Shnong Kyrphei, kum u Symbud Kongsan bad ki dkhot Executive Committee ka Dorbar Shnong Kyrphei nalor ki paidbah ba wan peitkai. Kane ka long katkum ka kyrwoh ba la phah da u President Bah Fleck Rynjah bad Secretary Bah Pilasstar Nongbet.

Leave A Reply

Your email address will not be published.