Shillong, K’lyngkot 28 : Ki Pulit Search & Rescue lem bad ki Pulit Sohra, kila ïoh ban sei ïa ka metiap jong u samla uba hap hynne ka janmiet sngi U Blei shapoh ka riatbah riat san jong ka jaka jngohkai ha Mawmluh, Sohra. ïa ka met jong une u samla la ïoh sei ha ka por 8 baje tam eiei, ong ki Pulit kiba la pynkit ïa ka met sha Sohra CHC ban pyndep ïa ki jingdonkam.
Une u samla u kyrteng u Bankynmaw Lyngdoh uba na Mairang uba shong ba sah ha Nongmensong bad uba trei hapoh ka Pala Resort. Ki Pulit ki ïathuh ba une u samla ula leitkai bad uwei u paralok da ka thuk thuk sha kane ka jaka jngohkai bala tip kum ka 100 Waterfalls Camping site. Ki iathuh ba une u samla ula hap shapoh kane ka riat ha ka por ba u dang leit pynjhieh.
