Lada ki lah ka biang eh, ong u MP Rajya Sabha halor ka phang, kawei ka Election kawei ka Ri

Shillong, Nailur 28 : U MP ka Rajya Sabha, Dr. WR Kharlukhi u la ong ba kan bha palat lada jia ba ka sorkar pdeng ka lah shisha ban pynlong kawei ka elekshon kawei ka ri kumba ka buh thong.
Ha shwa kane u Dr. Kharlukhi u la ong, “Kane kadei ka jingsngew jongnga shimet, hynrei nga ïohi pat ba ha ka elekshon MP ka shim por ar bnai. Kumta lada pynlong baroh ki elekshon katno shuh kan shim por.”
Ha kajuh ka por u ong pat ba lada ki lah kan bha, tangba u shu ïohi ba lada jia ba ha ka elekshon MP kaba don 500 tam ki MP ka shim por ar bnai ym tip shuh katno shuh kan shim por lada pynlong lang ïa ka elekshon MLA ha kajuh ka por bad kiwei kiwei.
Haba jubab halor ka jingkylli u la ong ba lada ka poi ka por ba kin hap ban shim ïa ka rai un hap ban peit shwa namar lada jia ba ki lah shisha ban pynlong kawei ka elekshon kawei ka Ri un ai beit ka jingkyrshan.