Jowai, K’Lyngkot 22 : Ki bor pynïaid District ka West Jaiñtia Hills hynin ka sngi kala ïa snohkti lang bad ka jylla hi baroh kawei ban rakhe ïa ka jingdap 51 snem ka jylla ha ka jingïalang kaba la long ha Conference Room jong ka ophis u Deputy Commissioner, Jowai.
Ha kane ka sngi la ïadon lang naduh u bah B.S Sohliya, IAS, Deputy Commissioner, u Superintendent of Police B. S Bikram, MPS, ma F.B Basan, ma M. A Challam, kong HML. Kynta, D.V Lyndoh Additional Deputy Commissioners, bah WK Kharbuli Extra Assistant Commissioner, ki ophisar jong ki tnad sorkar ka District, ki nongïalam ñiam, nongïalam shnong bad ki kynhun seng bhalang.
Haba ai jingkren ha kane ka sngi u bah B.S Sohliya Deputy Commissioner ula kyntu ïa baroh ki ophisar jong ki tnad ka District ba kin long kiba ïatreilang kawei ka jingmut ha kane ka Election MLA 2023 ka ban long kaba long ha ka 27 tarik February, 2023. Ha ka juh ka por u kyntu ïa ki ophisar ba kin long kiba don ka jingkitkhlieh bad ka jingïatreilang ryngkat ryngkat bad ki bor pynïaid District.
