Khliehriat iaiong 18: U Deputy Commissioner ka East Jaiñtia Hills District, u buh ka jingpynbna paidbah ba ka la don ka jingpynkylla ha kaba iadei bad ka dor bai test covid-19 test, ka RT-CPR Test ka ban long noh T200 tyngka shi sien test, ïa ka jingpynkylla la buh da ka tnat Health and Family Welfare (Health and Family Welfare Department Notification No. Health.99/2020/125 dated 23rd March, 2021).
La pynbna ruh ba kito kiba kwah ban leh ïa ki test ha Entry Point yn buh dor ïa ki katkum ka dor thymmai kiba long katkum ka dor jong ki long iïng kiba dei ki Below Poverty Line Household (BPL), kiba don ka card ka rong stem bad rong pink kaba katkum ka jingbthah ki doktor.
Ïa kito kiba dei ki High Risk kiba na ki containment zone ïa ki yn test khlem donkam ban siew pisa bad kito kiba kwah na lade hi ban leh ïa ka RAT/RT-CPR Test ki dei ban siew da ka pisa.
