La pynkut ïa ka 1st Inter School Volleyball ha Jowai
Jowai, Naiwieng 15: Ka lympung ïalehkai Volleyball jong ki khynnah skul, ïa kaba la tip kum ka 1st Inter School Volleyball Competition, 2026, ba la pynïaid da ka West Jaiñtia Volleyball Association (WJVA), Jowai ryngkat ka jingïatreilang bad ka ophis jong ka District School Education Officer (DSEO), West Jaiñtia Hills District, Jowai ka la poi noh sha kaba kut ha kane ka 13.11.2026. Ïa kane ka lympung la pynlong ha madan Biar Skur-Mission Compound Jowai.
Ha ka jingïakhun na ka liang ki shynrang ka Sawlyngdoh H/S Mookaiaw ka la long ka lah duh da kaba ka la pynliem ïa ka Government Boys Higher Secondary School Jowai. Da kaba kamai point 21-25, 18-25 bad 26-28.
Ha ka jingïakhun na ka liang ki kynthei pat ka Government Boys Higher Secondary School (Girls section), ka la lah ban pynliem ïa ka Government Girls Higher Secondary School Jowai, da kaba kamai 25-4 bad 25-7.
Ïa ki khusnam ha kane ka sngi la sam da ka kongsan ka kong Dr. Wa isa Sumer DSEO Jowai, la wan ban donlang da u Dilip Gurung uab dei u General Secretary ka Meghalaya State Volleyball Association, u Lammat-OO Laloo President WJVA, u Donkupar Synkrem General Secretary WJVA, lem bad kiwei de ki riew rangbah ki khynnah skul bad ki nonghikai.