Jowai, Jymmang 14: U General Secretary ka FKJGP Central Body bah Eldie N Lyngdoh ha kane ka 10 tarik u Jymmang ula wan ban pynhap pyrda ïaka phutbol ba 2 sngi jong ka “Nymphrang Modern English School Padu” ha shnong Padu Bah West Jaiñtia Hills District.
Nalor u kongsan bah Eldie N Lyngdoh la wan ban donlang da u Dr. Arwin Khonglah uba dei Block Medical and Health Officer BMHO Amlarem Block West Jaiñtia Hills kum u symbud kongsan. Ïa kane phutbol la pynlong na ka bynta ban pynmih fund ïa ki jingdonkam jong ka School.
U bah Eldie haba ai jingkren ha kane ka sngi u ong baki khynnah skul ki long kum ki paia jong ka ïing bad u ong ruh baka jinglong khynnah skul kadei kaba u sngewtynnad tam haka jingim jong u haba u kynnmaw ïa ki por khynnah.
Katba u Dr. Arwin haba ai jingkren ula ong bunsien ki briew shait buh jingkylli ïa u ‘balei phi nud ban ïashim bynta ha kum kine ki prokram kat kane kyrdan ba phi don’, hynrei ma u pat u ong kam myntoi aiu ïa nga ba ngan ïoh ïaka kyrdan lada ngam lah ban ïa shim bynta haka imlang ka sah lang.
Kiwei de ki nongkren ha kane ka sngi ki kynthup ïa u Rangbah Shnong ma N. Pohthmi, u Nangkhraw Rani Secretary ka FKJGP West Jaiñtia Hills District bad i Seeta Mukhim Secratery School. Kiwei de kiba ïadonlang ha kane ka sngi ki long u ma Marhok Kynti Marboh President FKJGP West Jaiñtia Hills District, u Everest Langstang Secretary ka WJSU bad kiwei de ki riew Rangbah, katba ïa ka prokram la pynïaid da ma B. Mukhim.katba ïa ka prokram la pynïaid da ma B. Mukhim.
