Mawkyrwat, Rymphang, 14: Ka ophis jong u Deputy Commissioner (Excise), South West Khasi Hills District, Mawkyrwat ka la ai ïa kane ka hukum kaba ïa dei bad ka General Election ha ki ar tylli ki Constituencies kata ka 36 – Mawkyrwat bad ka 35 – Ranikor ba la pynbna kum ki Sngi Tyrkhong Kyiad ne Dry Day ha baroh kawei ka South West Khasi Hills District naduh ka 25, 26, bad 27 tarik u Rymphang, 2023 kiba dei ki sngi ba la pynbeit kum ki sngi ban thep vote bad kumjuh ruh ha ka 2 tarik u Lber, 2023 kaba dei ka sngi ñiew vote ha kaba la bthah ïa baroh ki dukan kyiad (kane kan kynthup ïa baroh ki jait kyiad kum ki country, spirit ne foreign), ki dukan die madan, ki bar, bad baroh ki dukan ba la ïoh license ba ki dei ban khang ha kitei ki sngi.
Namarkata, yn pyntreikam ïa katei ka hukum lyngba ka jingtalasi, ka jingkhynra bad kiwei kiwei. Kane ka hukum kan treikam ruh ha ka sngi ba don Re-Poll, lada don.
