Amlarem, Lber 12: U Sub-Divisional Officer (Supply), Amlarem Sub-Division u la pynbna paidbah ba ïa u khaw u ba hap hapoh ka skhim NFSA (AAY & PHH) bad ka Non-NFSA na ka bynta u bnai March, 2024 yn sdang ban pyllait noh sha baroh ki Fair Price Shop Dealers kiba don hapoh Amlarem haduh ka 15 tarik u bnai Lber, 2024.
Ïa ka bhah jong u khaw AAY yn sam ha ka jingthew kaba 35 kilo kawei ka longing, ym donkam siew Pisa. Ïa ka bhah jong u khaw PHH yn sam ha ka jingthew kaba 5 kilo shi khlieh, ym donkam siew Pisa. Katba ïa ka bhah jong u khaw Non-NFSA yn sam ha ka jingthew kaba 7.215 Kilo shi card ha ka dor ba ym palat ïa ka Rs.14/- shi kilo. Lada don kino kino kiba shim da ka pisa ne ki bym ïoh ïa kitei ki mar jong ki, ki lah ban ujor ha u ba soi kyrteng harum da kaba thoh shai ïa ka kyrteng bad ka shnong jong ki nongdie rashon khnang ba yn lah ban pynshitom ïa ki. Ki paidbah ki lah ban ujor ha u Sub-Inspectors – 9436110184/8731025753, Email: sdo_amlarem@outlook.com.
