Shillong, Risaw: The Deputy Commissioner (Supply), East Khasi Hills da kane ka pyntip sha ki nongbam rashon jong ka district ba ïa u khaw rashon uba hap hapoh ka NFSA bad Non-NFSA na ka bynta u bnai Nailur 2022 la pyllait lyngba ki dukan sam rashon jong ki.
ïa une u khaw rashon la pyllait ha ka jingthew kaba 35 kilo shi card ha ka dor T.3/- shi kilo na ka bynta kiba don ïa ka card AAY, 5 kilo shi khlieh ha ka dor T.3/- shi kilo na ka bynta kiba don ïa ka card PHH bad 7.215 kilo shi ïing ha ka dor T.12.70/- haduh T. 13.00/- shi kilo na ka bynta ki Non NFSA.
La hukum ïa baroh ki dukan sam rashon ba kin sam ïa kane ka bhah mar ïa poi bad ruh ban wah ia ka list jong ki nong ïoh jingmyntoi kumjuh ïa ka por treikam hapoh ki dukan jong ki.Na ka liang ka Deputy Commissioner (Supply) ka kyrpad ruh ïa baroh ki nong ïoh jingmyntoi lyngba ka NFSA ba kin phah ïa ki Aadhaar number jong ki sha ki dukan sam rashon na ka bynta ka jingpynïaid beit ha kaba ïadei bad ka jingtreikam jong ka e-POS device.
Kino kino ki bym sam lane ki ba sam duna ne da ka mar kaba sniew dei ban pyntip sha katei ka ophis jong ka DC (Supply), East Khasi Hills District, Shillong.
