Khliehriat, 28 Naiwieng : U Deputy Commissioner (Supply) ka East Jaiñtia Hills District u pynbna paidbah ba la pyllait ïa u khaw rashon NFSA na ka bynta u bnai Naiwieng, 2024 hapoh East Jaiñtia Hills District.
Ïa u khaw AAY yn sam 35 kilo shi ïing shibnai khlem da donkam ban siew pisa eiei, ïa u khaw PHH yn sam 5 kilo shikhlieh shibnai khlem da donkam ban siew pisa eiei, katba ïa u khaw Non- NFSA pat yn sam 7.213 kilo shi ïing shibnai haka ka dor die lang ka ba long T12.00/- tyngka shi kilo bad ka dor die khutia pat kam dei ban palat ïa ka T14.00/- tyngka shi kilo.
Lada don kano kano ka jingbymhun halor ka rukom sam ïa u khaw da ki nongsam katkum ki jingthew bad ka dor ba la buh, ki paidbah ki lah ban ujor sha u Deputy Commissioner (Supply) ka East Jaiñtia Hills District lane ki lah ban phone sha u number bym donkam ban siew pisa (Toll free No.), kata, u 1697 bad ki lah ruh ban ujor sha u District Grievances Officer ka East Jaiñtia Hills District, kane ka long katkum u kyrwoh na u Deputy Commissioner (Supply) ka East Jaiñtia Hills District.
