Jowai K’lyngkot, 09: U Deputy Commissioner (Supply) ka West Jaiñtia Hills District ula pynbna paidbah ba la pyllait ïa u khaw AAY, PHH bad u Non-NFSA na ka bynta u bnai January, 2025 sha baroh ki wholesalers na ka bynta ban pynpoi sha ki FPS Centre naduh 9th January, 2025 haduh 13th January, 2025.
Ïa u khaw Antyodaya Anna Yojna (AAY) yn sam ha ka jingïoh kaba 35 Kgs shi khlieh shibnai bad ym donkam siew dor (free of cost). Ïa u khaw Priority Household (PHH) yn sam ha ka jingïoh kaba 5 Kgs shi khlieh shibani bad ym donkam siew dor (free of cost).
Katba ïa u khaw Non- NFSA yn sam ha ka jingïoh kaba 7.105 Kgs shi card/ïing ha ka dor ba la pynbeit da ka Vigilance Committee bad ym dei ban die tam ïa ka dor Rs.14/- shi kilo.
U Deputy Commissioner ula bthah ïa ki FPS dealer ba ki dei ban wan shim, ïa ki permit na ka ophis jong u Deputy Commissioner (Supply) bad ban sam pyndep hapoh 10th February,2025 khlem pep da kaba pyndomkam ïa ki e-pos machine da ka online mode.
