Shillong, Lber 26: Ka Martin Luther Christian University (MLCU) Press, da ka jingïatreilang bad ka School of Languages and Cultural Communication (SLCC), ka la ïoh ban pyllait ïa ka The Tea Planter, ka kot ba la thoh da u Brian D Kharpran Daly, ha ka university Umsawli Campus ha ka sngi Balang.
Ïa kane ka prokram la pynlong da ka jingkren pdiang sngewbha da Dr Evarisha Mercy Syiem, Dean of SLCC, kaba la pynpaw ïa ka jingïaroh na ka bynta u nongthoh ha kaba ïadei bad ka jingdonkam jong kane ka kot. Na ka liang ka Samla Idaaijinghun Nangsiej ka la ai ka jingïaroh ha kaba ïadei bad kane ka kam kaba long ka jingmyntoi kaba bha tam na ka bynta ki paidbah.
Na ka liang u nongthoh u Brian D Kharpran Daly, u la batai ba kane ka kot ka dei kaba la shim na ka jingim jong u kpa jong u ha ki sngi kiba la leit. Haba ïathuh ba u la thoh bun ki kot u la ong ba kane ka dei kawei na ki kam kiba la la shim kum ki kam kiba dei na ka bynta ki jingshisha.
Kane ka novel ka pynpaw ïa ka mat kaba ïadei bad ka jingsiat mrad ha Assam, kaba long kum ka kam kaba pyrshah. U nongthoh haba ïathuh ba u la thoh bun ki kot u la ïathuh ba kane kadei kawei pat ka kot kaba kyrpang naba u la hap ban shim ïa ka fiction na ki jingshisha. Kane ka novel ka pynpaw ruh halor ka phang jong ka jingsiat ïa u khla ha Assam, kaba dei ruh ka jingngeit halor ka bor jong u khla ban ai ka jingïada bad ban lah ban pyndonkam pyrshah ïa ki nongshun, kaba dei kawei na ki jingim hapoh ka kper sla sha bad ka jingim ha Ireland, pynkut ka jingthoh ka poitri haba kut ka novel.
Ïa kane ka kot la pyllait da ka Kong Patricia Mukhim, editor ka The Shillong Times, kaba la wan ban ïa shim bynta kum ka kongsan. Ha ka jingkren jong ka, ka la pynshlur ïa baroh ba kin thied ïa ka kot, da kaba ai jingïaroh ïa u Bah Brian uba la bna ba u la long kum uwei na ki nongthoh kot, ha kaba kane ka wan kum ka kam kaba phylla. Ka la banjur ïa kiba ïashim bynta khamtam ki samla pule kiba la thoh shaphang ki jingshem jong ki ha kaba ïadei bad kane ka kam.
Na ka liang u Dr Glenn Kharkongor, Chancellor, MLCU, u la kren shaphang ka jinglong paralok jong u bad u Brian, bad khamtam eh ha kaba ïadei bad ka jingpynmih ïa kane ka kot. U la ong ba kane kadei ka jingthoh kaba 4 jong ka novel kaba u la thoh ha kaba batai halor ki kam rung krem. U Dr Kharkongor u la ai ruh ka jingïaroh ïa u bah Brian ba u la pynleit jingmut bha ïa ka jylla Meghalaya, khamtam ha kaba ïadei bad ka jingrung krem. U la pynshlur ruh ïa kito kiba ym pat ju rung ne leit jurip ïa ki krem ba ki dei ban leit ban ïohi ïa ki jingitynnad jong ki.
La pynkut ïa ka prokram da ka jingai khublei na Dr Clarissa Jane Rajee, assistant professor ka SLCC.
