La kynjoh 79.93% ha ka digitization jong ki Enumeration Forms hapoh ka SIR ha South West

Mawkyrwat, Naitung 22 : Ka District Administration, South West Khasi Hills District, ka pyntip sha baroh ki paidbah ba ka kam Special Intensive Revision (SIR) jong ka Electoral Roll 2026 haduh mynta ka dang ïaid shaphrang bha ha baroh kawei ka district.
Shuh shuh katkum ka jingïoh lum jingkheiñ ba ka jingpynsam paidbah ïa ki Enumeration Forms ka la kynjoh 100% ha ka district baroh kawei. Na kane, 99.99% la sam ha ka 35-Ranikor (ST) Assembly Constituency, katba 100% la sam ha ka 36-Mawkyrwat (ST) Assembly Constituency.
Ha kajuh ka por, ka kam digitization jong ki Enumeration Forms ka la kynjoh 79.93% kata 76.13% la sam ha ka 35-Ranikor (ST) Assembly Constituency, katba 83.54% la sam ha ka 36-Mawkyrwat (ST) Assembly Constituency.