Khliehriat, Naitung 01: Ka Jaiñtia Students Union Khliehriat Circle hynnin ka sngi thohdieng ka la pynlong ïa ka jingïalang pynskhem nongkit kam jong ka ha Community Hall Khliehriat Khliehriat, ha kane ka jingialang la pynskem ïa ki nongkitkam jong ka Jaiñtia Students Union Khliehriat Circle ha kaba la ïa don ryngkat lang ki riew rangbah jong ka thaiñ.
Ha ka jingïalang ba la ïa don ryngkat lang u Dr Phervision Nongtdu kum u Kongsan, u President JSU Central Body, u samla Jersom Shylla, u MLA ba rim jong ka Khliehriat u bah Justin Dkhar kumjuh ruh , u DSP u bah Jason Mayrom, MCS , ki nongïalam jong ka KSU East Jaiñtia Hills District, ka HNYF East Jaiñtia Hills District, ka FKJGP East Jaiñtia Hills District bad ka EJN Central Executive Council bad kiwei kiwei
Ïa ka jingialang lyngkot la pyniaid da u bah Rikut Pareiñ bad la ïoh ruh ïa ka jingkren pdiang burom na u samla Ajoyminson Lyngdoh, General Secretary JSU jong ka Khliehriat Circle.
U General Secretary JSU seng kmie, u samla Treiborlang R Suchen bad u lah ong ba kum ki nongialam ka seng ki dei ban don ka mynsiem ban skhakri ïa ka ri bad ka jaitbynriew khlem da kwah burom ne ioh myntoi khlem da pyrkhat ïaka ma lade hynrei ka burom kan wan hi lada ka kam jong ba ka seng ka trei kham jam ban ia ktien kaba na bynta ka bha ka miat jong ka imlang ka sahlang , u la kren bynñiaw halor ka jingpynslem ka sorkar ban pynbiang kham kloi ia ki jaka eksamin CUET ban ioh myntoi ki khynnah leit pule bad ha kaba iadei bad ka jing kynrei u drok u la ong ka ka seng ka kloi ban ai ka jing iatrei lang bad ki bor pulit bad ki nongsynshar shnong ban teh lakam ia ka jingrung u droks sha poh ka thaiñ bad sha ki shnong ki thaw bad sha ka jylla.
U Dr Phervision Nongtdu, u lah pynsgew ba ka seng kaba ki dei ban peit bha ïa ka pule puthi namar ka pule puthi ka long kaba lah duna bad hiar bha hapoh ri Jaiñtia bad u lah ong ba ka seng JSU kum ka seng ki khynnah pule ka dei ban bud dien halor ka jingdawa CUET examination center ha poh ka jylla khamtam ha ri Jaiñtia namar mynta ki khynnah ki hap ban leit thoh eksam shaduh sha bar jong ka jylla. La ïoh ruh ïa ki kyntien sneng kyntien kraw na u Kongsan u Ma Justin Dkhar bad u la ai mynsiem iaki dkhot ba kim dei ban pynsngew ïa ka jingshah kynnoh hynrei dei ban iaid ha ka lynti kaba beitbkanlyntinka hok bad trei shitom ban im ka ri bad ka jaitbybriew. U samla Jersom Shylla President ka JSU seng kmie u lah shim ïa ka bynta ban pyntian smai bad pynskhem ïa ki nongkitkam thymmai ka seng JSU Khliehriat Circle ki ban trei na kanbynta ka samoi treikam jongnu snem 2023-26 bad u lah ai shi kyntien ar kyntien ki kyntien ai mynsiem bbad ki jingsneng jingkraw ïa ki dkhot ba kim dei ban shim tang ïa kane ka jingbam smai hynrei ki dei ruh ban trei shitom ban shakri ïa ka jaitbynriew
La ioh ruh ka jingkren lyngkot na u President ka JSU Khliehriat Circle u samla Livingson Sama bad ïa ka kyntien ai khublei la ai da u Vice President ka JSU Khliehriat Circle u samla Winson Salahe.
Ki nongkit kam thymmai jong ka JSU Khliehriat Circle kiba la pynskhem ki kynthup u President, u samla Livingson Dkhar Sana, General Secretary Ajoymension Lyngdoh, Vice President Winchester Salahe, Assistant Secretary Niboy Rymbai, Finance Secretary Eamnual Bhoi, Office Secretary Defend Siangshai, Sports Secretary Emanual Lyngdoh, Assistant Sports Secretary Shanbormeki Sutnga lem bad 25 ngut kiwei pat ki dkhot ka seng kiba la dep ban pynbam smai.
