Khliehriat Nohprah 10: Ka Jaiñtia National Council hynnin ka sngi saitjaiñ ka la jied bad pynskhem ïa ki nongkitkam bad ki dkhot jong ka Jaiñtia National Council Wapung Circle, ïa ka jingïalang la pynlong ha Hill Queen Hotel Kongong, ïa ki nongkitkam bad ki dkhot la pynskhem da u President rangbah jong ka seng, u bah Sambormi Lyngdoh bad ïa ka jingïalang la pynïaid da u bah Allmiky Ryngkhlem, uba long ruh kum u incharge ïa ka Wapung Circle.
Haba kren ha ka jingïalang, u bah Sambormi Lyngdoh, u la ai ka jingiaroh ïa ka shnong Wapung bad ong ba kane ka shnong ka dei kaba la sei bad pynmih ïa ki riew shlur, kata haba phai ha ka iap ka im jong ka thaiñ hi baroh kawei, ha kajuh ka por kum u nongïalam u la pynshai sha ki nongkitkam bad ki dkhot ba thymmai jong ka circle halor ki nongrimbad ki riti treikam jong ka seng, u la ai ruh ka jingkitbok kitrwiang ïa kane ka circle ba kan lah ban trei bha ïa ka kam ban shakri ïa ka ri bad ka jaitbynriew.
Kiba la ai jingkren ki kynthup ruh u Vice President jong ka seng, u bah Nangjan Dkhar, u General Secretary, u bah Wanshwa Suting, u Information Secretary, u bah Mebanteilang Sukhlaiñ, kiba la ai ïa ki kyntien sneng kyntu bad ai mynsiem ïa ki nongkitkam bad ki dkhot jong ka JNC Wapung Circle, ha kajuh ka por ki la ai ruh ka jingkitbok kitrwiang bad kin nang lah ban trei ïa ka kam ban shakri ïa ka ri bad ka jaitbynriew.
Ki nongkitkam ba thymmai jong ka JNC Wapung Circle kiba la pynskhem ki kynthup u, President, u bah Kynmaw phawa, Vice President, bah Dister Dkhar, General Secretary, bah Ebormi Dkhar, Asst. Secretary, bah Rakes Dkhar, Education Secretory, bah Shlurmi Dkhar, Sports Secretary, bah Ha-o sanki Phawa, Asst Sport secretary, bah Ruson Ryngkhlem, Displine secretary, bah Lamphrang Dkhar, Agriculture secretary, bah Unwanlang Dkhar, Environment Secretary, bah Abmilex Dkhar, Organising Secretary, bah Chiel Ryngkhlem, Asst organising secretary, bah Wallam Siangshai, Publicity Secretary, bah Wonder Dkhar, Art and culture Secretary, bah Nidalut Siangshai, Finance Secretary, bah Vicky Phawa, la jied bad pynskhem ruh ia ki khatsan ngut ki dkhot.
