La dep pynkhreh ïa ka Draft Electoral Roll hapoh 7-Amlarem Constituency

Jowai, Risaw 28: Ka office jong i Electoral Registration Officer, 7-Amlarem (ST) Assembly Constituency, kala pynbna sha baroh ki nongjied ïa ki nongmihkhmat ka constituency ba la dep ban pynkhreh ïa ka Electoral Roll kat kum ka Registration ki nongjied (second amendment) Rules, 2022 bad ïa kane ka copy lah ban leit peit ha ka office jong i Electors Registration Officer, 7-Amlarem (ST) Assembly Constituency, Amlarem ha ki kynta por treikam.
Ka tarik ban lum jingkheiñ ïa ka rta ne snem pynrung kyrteng hapoh ka Electoral Roll kan long ha ka 1 tarik u Kyllalyngkot, 2024.
Ha kaba ïadei bad ka tarik ban jingpynmih ïa katei ka Electoral Roll, lada don kano kano ka jingujor halor ka jingkynthup ïa ki Kyrteng ha ka Electoral Roll ne ha kano kano ka rukom, dei ban leh ha ne shwa ka 9 tarik u Nohprah, 2023 da kaba pyndap ha ka Form 6, 6A, 7 lane 8 kat kum ka jingdawa.
Baroh ki jingkam ne jingujor dei ban rah sha ka office ne sha u Electoral Registration Officer, ka 7-Amlarem assembly Constituency lane ha ki jaka ba la buh kyrpang naduh ka 27 tarik u Risaw, 2023 lane da kaba shu phah da ka post sha ka office ba la kdew haneng bad ka dei ban poi shwa katei ka tarik ba la buh haneng.