La dep ïa kynduh ka Regional Committee ka West Jaintia Hills halor ka Block I

0

Shillong, Risaw 12 : Ka Regional Committee jong ka West Jaintia Hills District kaba la khlieh da u myntri ka tnad kam pynroi sor u ma Sniawbhalang Dhar ka la dep ïa kynduh bad ïakren halor ka jingpynbeit pud bad ban phah pynphai ïa ka Block I sha ka jylla ha ka 6 tarik mynta u bnai.
U Myntri kam pohïing uba dei ruh u dkhot ka committee u la ïathuh ba la dep ïakren sani bha halor ka Block I bad la rai ban lum jingtip ba bniah kata ïa ki kot ki sla ha kaba ïadei bad ka Block I. Ka lah ban kham shimpor tangba ka kam ka la sdang mynta ong u ma Lahkmen.
U la ong la rai ruh ba ka jingpynbeit pud kan long beit halor ka nongrim ban ïa sngewthuh jingmut bad ki paid khappud shano ki kwah ban don la ka dei sha Meghalaya ne sha Assam.Kumjuh ruh ki ar sorkar ruh ki la dep rai ba kin ïeh beit ha ka mon ki paid khappud ban shim ïa ka rai ha kane ka kynti.
Kane ka Committee ka dei ban peit ïaka jingpynbeit pud ha Block I, Psiar bad Khanduli ki jaka ba hap hapoh ka West Jaintia Hills District.

Leave A Reply

Your email address will not be published.