Jowai, Nailur 19: Ka Seng HNYM West Jaiñtia Hill District ki kyrshan ïa ki Seng baroh bad khamtam ïa ka Khasi Student Union (KSU) kaba mih shakhmat ban ïa khih ïa une u surok NH6, ba lajot bad sniew palat pud naduh Tuber Sohshrieh ter ter haduh Malidor.
Na ka liang jong ka seng HNYM West Jaiñtia Hills District ruh ka pynpaw ba ha ba leit sha ki thaiñ East Jaiñtia Hills la ïohi ïa ka jingshisha ha ka jingïadei bad ka jingsniew palat jong une u surok bad kam long shuh kaba shngaiñ ïa ka leit ka wan jong ki paidbah khamtam ïa ki ba pang ba shitom.
Kane ka jingleh jong ka NHAI ka pynbitar ïa u paidbah babun balang jong ka bri Hynñiewtrep hi baroh kawei. Kane ka long katkum ka kyrwoh na u President ka West Jaiñtia Hill District u samla Leoferdinand Suiam.
