Kyrshan ka KSBUH ïa ka Save Hynñiewtrep Mission jong ki san seng

0

Shillong, Risaw 28 : Ka Sur ka Bri u Hynñiewtrep ha ka sngi Palei ka la pynbna ba ki kyrshan lang ïa ka Save Hynñiewtrep Mission hapoh ka jinglamkhmat jong ka Hynñiewtrel Youth Council bad kiwei pat ki seng.
“Ngi kyrshan ïa katei ka Mission bad ïa ki khyndai tylli ki mat ba la rah da kitei ki san seng,” ong ka Organising Secretary ka SKBH, Kong Purity Phawa haba kren bad ki lad pathai khubor ha Shillong Press Club.
La ïathuh ruh ba ka dawbah ba kum ka kynhun ki kyrshan ïa kitei ki san seng ka long beit ba ki dei ki mat kiba ktah ïa ka Jaidbynriew bad dei na kata ka daw ki kwah ban pyntylli lang ïa ka sur khnang ba kan urlong noh kham kloi.
Ka Kong Purity ka la ong ruh ba ki mat kiba kum ka Seng jong ki ka buh hakhmat eh ha ka jingwan kyrshan jong ki ïa katei ka Mission ka long eh khamtam haba ïadei bad ka Inner Line Permit ban pynbor ïa ka sorkar MDA ba kadei ban ïakhun tyngeh khnang ba kan treikam noh ha ka jylla, nangta ka jingïoh jingithuh noh ka Ktien Khasi bad Garo, ban pynkynriah pura noh ïa ki briew kiba sah ha Themïewmawlong sha kawei pat ka jaka bad ruh halor ka ishu pynbeit pud pynbeit sam.
La kdew ruh ba kawei na ki mat ba kum ka kynhun ka kyrshan lang ka long ban dawa ïa ka hok haba ïadei bad ka jingshah pynïap u nongïalam barim ka HNLC, u Bah Cheris Thangkhiew.

Leave A Reply

Your email address will not be published.